Te rongoā āraimate rewharewha Flu (influenza) vaccine
Ngā āhuatanga ka tiakina e te kano ārai mate rewharewha
He rite tonu te huri o te āhua o te huaketo rewharewha. Ko te tikanga o tēnei me whakahou te kano ārai mate i ia tau, kia rite ai ki ngā momo hou o te mate. Mā te whiwhi i te kano ārai mate rewharewha i ia tau, ka pakari tō tinana ki te ārai i te mate.
He ohorere te pā mai o ngā tohumate rewharewha, ā, ko te kirikā pea, te haukōeoeo, te mamae uaua, te ihu hūpē, te maremare, te manawa kiore me te ngau o te puku. Tērā pea ka mau koe ki tō moenga mō te wiki, neke atu rānei.
Horapa ai te rewharewha mā te maremare me te matihe, ā, ko te takurua te wā nui.
Ka tino māuiuitia pea koe i te rewharewha, ahakoa te pakari o tō tinana. Tae atu ki āu tamariki, ka tino māuiuitia pea rātou. Ka tukua pea e koe ki te hunga whakaraerae, tae atu ki ngā pākeke, te hunga hapū rānei.
Te mōrearea o te rewharewha i te wā e hapū ana
Ki te pāngia koe e te rewharewha i a koe e hapū ana, he nui te mōrearea ka tūpono whanake tētahi mate āpiti tārū, kei whara kōrua ko tō pēpi. Ētahi mate āpiti:
- whānau kokoti tau
- he māmā te taumaha i te whānautanga
- Te tahe me te materoto.
Ka taea te whai te kano ārai mate rewharewha koreutu, hei ngā wā katoa o tō hapūtanga. Mēnā kei te hapū koe i ngā kaupeka rewharewha e 2, e tūtohua ana kia whiwhi koe i te kano ārai mate i ngā kaupeka e rua.
Te wā tuku i te kano ārai mate rewharewha
Wātea ai te kano ārai mate rewharewha atu i te 1 o Āperira i ia tau, i mua o te takurua. E tūtohua ana kia whiwhi te hunga katoa pakeke ake i te 6 marama, te kano ārai mate rewharewha i ia tau.
Mēnā he tamaiti tāu kei raro i te 9 tau, kōrero ki te kaituku kano ārai mate mēnā kia kotahi, kia rua rānei ngā kano ārai mate (e 4 wiki te wehenga), mēnā kua whiwhi ia i te kano ārai mate i mua.
Te hunga me utu mō te kano ārai mate rewharewha
Ki te kore koe e tau ki raro i ngā paearu o te kano ārai mate rewharewha koreutu, ā, kāore ō puka kano ārai mate rewharewha koreutu nā tō kaituku mahi, he utu kei runga i te kano ārai mate rewharewha. Pātai atu ki tō tākuta, nēhi, kaiwhakarato hauora, kēmehi rānei ki te āwangawanga koe.
Ko te utu he $25 ki te $45.
Te tāpui i tō kano ārai mate
E wātea ana ngā kano ārai mate rewharewha i tō tākuta, nēhi, kaiwhakarato hauora rānei. Ko te hunga katoa pakeke ake i te 3 ka āhei ki te whiwhi kano ārai mate rewharewha i ngā kēmehi huhua.
Ka taea hoki te tāpui i ngā kano ārai mate rewharewha hei takitahi, hei rōpū rānei ki te ipurangi mā Book My Vaccine, mā te waea rānei.
- Tāpui ā-tuihono: Book My Vaccine(hononga rāwaho) (external link)
- Tāpui mā te waea: 0800 28 29 26 (8:30am ki te 5pm Mane ki te Paraire, hāunga ngā rā whakatā tūmatanui).
Rapua he mōhiohio anō mō te tāpui kano ārai mate, mō te rapu tautoko tauwhāiti rānei mō ō hiahia.
Ngā tāpuitanga kano ārai mate rewharewha 2024
Ka taea te tāpui kano ārai mate rewharewha mā Book My Vaccine atu i te 14 o Māehe 2024.
Ngā pānga kino me ngā tauhohenga
Pērā anō i te nuinga o ngā rongoā, ka pā mai pea ngā tauhohenga i ngā kano ārai mate. I te nuinga o te wā he māmā ēnei, ā, kāore e pā mai ki te katoa.
Pā noa mai ai ngā tauhohenga māmā, ka mutu e whakaatu ana kei te urupare tō pūnaha ārai mate ki te kano ārai mate.
Mēnā ka pā mai he tauhohe ki a koe, ka pā mai i te nuinga o te wā i ngā rā tuatahi i muri i te whiwhi werohanga. Ka kore atu te kano ārai mate mai i tō tinana i roto i ētahi haora, rā rānei.
Ko te tautohe e tino kitea ana mō te ārainga mate ko:
- tētahi kirikā māmā
- ka mamae, pupuhi rānei i te wāhi i uru te ngira.
Ko ētahi atu pānga kino ahuwhānui
Ko ētahi atu pānga kino ahuwhānui o te kano ārai mate rewharewha:
- te tangi, te pāmamae, te hūkokikoki hoki (ngā pēpi me ngā tamariki nohinohi)
- • ngaronga o te mina kai
- • ngā hīwiniwini me ngā mamae
- • ānini māhunga.
Ngā pānga pāwera
He tino rerekē rawa atu ngā pānga pāwera kino. Tata ki te 1 te tangata i roto i te 1 miriona ka pāngia e tēnei.
He tino matatau tō kaiwero, ā, e mōhio ana ia kei te kimi ia i te aha, ka mutu ka taea e ia te whakamaimoa wawe tētahi pānga pāwera ki te pā mai tērā.
I te nuinga o te wā ka pā mai ngā pānga pāwera kino i roto i ngā meneti tuatahi i muri tonu mai i te werohanga, koinei te take me tatari koe tae noa ki te 20 meneti i muri i te werohanga.